الأربعاء، 9 يونيو 2010

الحقو اخر نكتة على الضريبة العقارية

رن جرس التليفون: آلو .......انا ام كلثوم قلى وحياة والدك هى قصيدة " الأطلال" عليها ضريبة عقارية........

بالتأكيد يا ست ثومة فالأطلال يعنى أنقاض والأنقاض ثمنها بالشئ الفلانى ادفعي وأمرك لله وبلاش تلاكيك وتحايل ع القانون فالملك امنمحات الثالث دفع ضريبة على " قصر التيه " بالفيوم رغم انه أنقاض وجار التحقيق مع الملك خوفو لأنه رفض دفع ضريبة على الهرم وتم التحفظ على "ابو الهول" لحين السداد ............

بجد نفسى ما ادفعش الضريبة اللى عليا ويحجزوا مراتى لحين السداد ............

ونجيب محفوظ دفع ضريبة على " قصر الشوق " ... راجل محترم ما كدبش خبر....

ومطلوب من الامام الشافعى دفع ضريبة على " ترب الامام" التى تحولت الى مساكن للايجار والتمليك...........

كما انه تم ارسال عدة ايميلات الى فايزة احمد لتحذيرها لان " بيت العز يا بيتنا" عليه ضريبة عقارية .

وقلت لكاظم الساهر انت متهرب ووقعتك سودا.... ليش؟ لانك قلت: " ان كنت تريدين السكنى .... اسكنتك فى ضوء عيونى، اعترف بالتى هى أحسن اين تسكن حبيبتك؟ وهل دفعت ضريبة عقارية ام لا؟........

وقلت لعبد الحليم حافظ: انت قاعد تغنى " سواح " يعنى فاكر نفسك ذكى وعاوز تتوه الضرائب العقارية وتوهمهم انك سواح وليس لك مأوى و لا محل اقامة يا اخى عيب عليك خليك قدوة للناس ........... هتدفع يعنى هتدفع

اما عبد الوهاب فاكتشف انه عميل سرى لوزارة المالية لانه ابلغ عن عنوان الحبايب وقال " مريت على بيت الحبايب" .............. .

واخدت نجاة مكافأة لانها كانت متغاظة من حبيبها وبلغت عن عنوانه وقالت " ساكن قصادى " وبالتأكيد كان متهرب من الضريبة العقارية.................. والله برافوا عليكى انا كمانى ناوى ابلغ عن................
وعلمت من مصادر سرية ان ورثة صاحبة اغنية " عش الهوا المهجور" دفعوا ضريبة على عش الهوى المهجور.............

اخيراً تذكرت المطرب الكويتى عبد الله الرويشد الذى غنى عند غزو العراق للكويت وقال: ط بيتى وبيقول بيته، وكان زعلان قوى ... يا بختك يا اخى ياريت حد يقول ان بيتى هو بيته ويدفع هو الضريبة العقارية بدل منى..............

ليست هناك تعليقات:

إرسال تعليق